കൊച്ചിന്‍ യൂണിവേര്‍സിറ്റിയിലെ സെന്റര്‍ ഫോര്‍ സയന്‍സ് ഇന്‍ സൊസൈറ്റി സ്ക്കൂള്‍ വിദ്യാര്‍ത്ഥികള്‍ക്കായി നടത്തുന്ന ഒരു ദിവസത്തെ ശാസ്ത്ര സമ്പര്‍ക്ക പരിപാടിയില്‍ അഞ്ചു മുതല്‍ പത്തുവരെ ക്ലാസ്സുകളില്‍ പഠിക്കുന്ന 85 വിദ്യാര്‍ത്ഥികളും 15 അദ്ധ്യാപകരും പങ്കെടുത്തു.
ഫിസിക്സ് , കെമിസ്ട്രി , ബയോളജി ലാബുകളില്‍ വിദ്യാര്‍ത്ഥികള്‍ ക്ക് വിവിധ പരീക്ഷണങ്ങള്‍ ചെയ്തു നോക്കുന്നതിനുള്ള സൗകര്യം ഉണ്ട്.. ഗണിത ആശയങ്ങള്‍ വളരെ ലളിതമായി അവതരിപ്പിക്കുന്നതിനുള്ള മോഡലുകള്‍ ഗണിതലാബില്‍ സജ്ജീകരിച്ചിരിക്കുന്നു. ശാസ്ത്രഗ്രന്ഥങ്ങളുടെ ഒരു അപൂര്‍വ്വ ശേഖരംതന്നെ കുട്ടികള്‍ക്കായുള്ള ശാസ്ത്രഗ്രന്ഥശാലയിലുണ്ട്. പലശാസ്ത്ര തത്വങ്ങളും കളിയിലൂടെ മനസ്സിലാക്കാനുതകുന്നതാണ് ശാസ്ത്ര പാര്‍ക്ക്.
പരീക്ഷണങ്ങള്‍ ചെയ്തും പാര്‍ക്കില്‍ കളിച്ചു പഠിച്ചും ശാസ്ത്രഗ്രന്ഥങ്ങള്‍ പലതും വായിച്ചും സെന്റര്‍ ഫോര്‍ സയന്‍സ് ഇന്‍ സൊസൈറ്റിയുടെ ഡയറക്ടര്‍ ശ്രീ. കെ ജി നായര്‍ സാറിന്റെ ക്ലാസ്സു കേട്ടും സമയം പോയതറിഞ്ഞില്ല.
No comments:
Post a Comment