πവൃത്ത സൗന്ദര്യത്തിന്റെ രഹസ്യം പൈ π 

പൈ അപ്രോക്സിമേഷൻ ദിനം - ജൂലൈ 22

 

                ഗണിതത്തിലെ ഒരു സംഖ്യയായ പൈയെ അനുസ്മരിക്കുന്ന ദിനമാണ് പൈ ദിനം. 1989-ൽ ലാറി ഷായാണ് പൈ ദിനം ആചരിക്കുന്നത് തുടങ്ങിവച്ചത്. ഷാ ഒരു ഭൗതികശാസ്ത്രജ്ഞനായി ജോലി ചെയ്തിരുന്ന സാൻഫ്രാൻസിസ്കോ എക്സ്പ്ലോററ്റോറിയത്തിലാണ് പൈ ദിനം ആദ്യമായി ആചരിക്കപ്പെട്ടത്. സഹപ്രവർത്തകരോടൊപ്പം ഒരു വൃത്തരൂപത്തിൽ പൈ എന്ന ഭക്ഷണപദാർഥം ഭക്ഷിച്ചുകൊണ്ട് പ്രദക്ഷിണം വച്ചാണ് പൈ ദിനം ഷാ ആഘോഷിച്ചത്. ഇന്നും ഈ എക്സ്പ്ലോററ്റോറിയത്തിൽ പൈ ദിനം ആഘോഷിക്കുന്നത് തുടരുന്നു. 2004ലെ പൈ ദിനത്തിൽ പൈയുടെ 22,514 ദശാംശം വരെയുള്ള അക്കങ്ങൾ നോക്കിവായിച്ചുകൊണ്ട് വാർത്തകളിൽ ഇടം നേടി.2009 മാർച്ച് 12ന് പൈ ദിനം അംഗീകരിച്ചുകൊണ്ടുള്ള ബിൽ അമേരിക്കൻ സർക്കാർ പാസ്സാക്കി. പ്രധാനമായും പൈ ദിനം മാർച്ച് 14ന് ആചരിക്കാൻ കാരണം ഈ തിയതി പൈയിലെ അക്കങ്ങളുമായി സാമ്യമുണ്ട് എന്നതിനാലാണ്. 'മാസം/ദിവസം' എന്ന രീതിയിൽ 3.14 എന്നാണ് ഈ തിയ്യതി കാണുന്നത്. 2015-ലെ പൈ ദിനത്തിൽ പൈയുടെ 5 അക്കങ്ങൾ കാണാം. മാസം/ദിവസം/വർഷം എന്ന രീതിയിൽ എഴുതുമ്പോൾ ഈ തിയ്യതി 3/14/15 എന്നാണ് വായിക്കുന്നത്. 22 ജൂലൈയാണ് പൈ ദിനമായി ആചരിക്കുന്ന മറ്റൊരു ദിവസം. ദിവസം/മാസം എന്ന രീതിയിൽ എഴുതുമ്പോൾ ഈ തിയതി 22/7 എന്നാണ് വായിക്കുന്നത്. അതിനാലാണ് ജൂലൈ 22 പൈ ദിനമായി ആചരിക്കുന്നത്,

 

               

                           പൂങ്കുന്നം ഗവ: ഹയർ സെക്കണ്ടറി സ്കൂളിൽ പൈ അപ്രോക്സിമേഷൻ ദിനം ആചരിച്ചു. പൈ വില കണ്ടെത്തുന്നതിനുള്ള പ്രായൊഗിക രീതി നൂലിന്റെ സഹായത്തോടെ പ്രധാനധ്യാപിക ശ്രീമതി സുജയകുമാരി ടീച്ചർ തന്റെ ഉദ്ഘാടനപ്രസംഗത്തിൽ വിശദീകരിച്ചു. പൈ എന്ന ആശയം കൃത്യമായി ബോധ്യപ്പടുത്തുന്നതിന് കുട്ടികൾക്കുവേണ്ടി ഒരുക്കിയ കളിയിൽ വിദ്യാലയത്തിലെ എല്ലാകുട്ടികളും പങ്കാളികളായി. പ്രവർത്തനങ്ങൾക്ക് ഗണിതാധ്യാപിക ശ്രീമതി സത്യഭാമടീച്ചർ നേതൃത്വം നൽകി. എസ്. ആർ. ജി. കൺവീനർ ശ്രീമതി ശ്രീലത ടീച്ചർ സ്വാഗതവും സീനിയർ അസിസ്ററന്റ് ശ്രീ കൃഷ്ണൻകുട്ടി മാസ്ററർ നന്ദിയും പറഞ്ഞു.