രക്ഷിതാക്കളും കുഞ്ഞുങ്ങളും

            പൂങ്കുന്നം ഗവ: ഹയർ സെക്കണ്ടറി സ്കൂളിന്റെ നിരന്തര രകഷാകർതൃ ശാക്തീകരണ പരിപാടിയായ രക്ഷിതാക്കളും കുഞ്ഞുങ്ങളും കോഴിക്കോട് മേപ്പയ്യൂർ സ്കൂളിലെ അധ്യാപകനും വിദ്യാഭ്യാസ പ്രവർത്തകനുമായ ശ്രീ. ദിനേശൻ മാസ്ററർ ഉദ്ഘാടനം ചെയ്തു. പഠനത്തിന്റെ മഹത്വവും രക്ഷിതാക്കളുടേയും കുട്ടികളുടേയും പരസ്പരമുള്ള സമീപനവും എങ്ങനെയുള്ളതാകണമെന്ന് തുടർന്നുനടന്ന ദൃശ്യമാധ്യമത്തിന്റെ സഹായത്തോടെയുള്ള ചർച്ചയിലൂടെ അദ്ദേഹം വ്യക്തമാക്കി. രക്ഷിതാക്കളുടേയും കുട്ടികളുടേയും സർഗ്ഗാത്മകമായ ഇടപെടലിലൂടെ ഏറെ സക്രിയമായിരുന്നു പരിപാടി. തുടർന്നുനടന്ന വിലയിരുത്തലിൽ പരിപാടി ഏറെ പ്രയോജനപ്രദമായിരുന്നുവെന്നും തുടർന്നും ഇത്തരം പരിപാടികളിലേക്ക് കൂടുതൽ പങ്കാളിത്തം ഉറപ്പുവരുത്തുവാൻ ഏവരും ശ്രമിക്കുമെന്നും അഭിപ്രായപ്പെട്ടു. പരിപാടിക്ക് സോഹൻലാൽ മാസ്ററർ സ്വാഗതവും സീനിയർ അസിസ്ററന്റ് ശ്രീ.കൃഷ്ണൻകുട്ടി മാസ്ററർ നന്ദിയും പറഞ്ഞു.